ممدوح حمزة بعد عودته للقاهرة: «الدولة فاتحة دراعتها لأبنائها المخلصين»

نشر المهندس ممدوح حمزة، فيديو عبر حسابه في موقع التواصل الاجتماعي 'فيسبوك'، في مطار القاهرة الدولي، بعد عودته من الخارج.

وقال 'حمزة'، في الفيديو: 'وصلت مطار القاهرة، وطلعت من بوابة الطيارة، لاقيت راجل كبير بيقولي حمد الله على السلامة، وكان معاه فرقة واحد منهم ساعدني في الشنطة اللي معايا، بعدها ودوني مكان كنت بروحه قبل ما اسافر من مصر وأدفع 500 جنيه، بس المرة دي دخلت ببلاش'.

وأضاف 'حمزة' في الفيديو: 'قابلت لواء قالي مصر بترحب بولادها المخلصين وفاتحة دراعتها لأبنائها عشان يرجعوا بلدهم، وبلدهم تستفيد منهم'، متابعًا: 'أنا عايش الكلام ده بنفسي، أدي مرفت أختي، وابن أختي، والدكتور أسامة الغزالي حرب، وأنا شايف حقيقة قصادي، لو  كان ده اتجاه الدولة حاليا، يبقى إحنا ماشيين صح، بس ياريت ماتقفش عند كدة'.

تفاصيل عودة ممدوح حمزة إلى القاهرة

وأكمل: 'هما قالوا البلد فاتحة دراعتها لأبنائها المخلصين، في بقى أبناء مخلصين قابلتهم برة كتر جدًا وفي أبناء مخلصين أيضًا في السجن، وأنا مبسوط جدًا لأن دي الخطوة الأولى، ومتفائل جدًا لأني جاي عارف يا هتاخد يا ماتخدش واول وش اخدته افتكرت اني خلاص رايح لغاية ما قابلت  أسامة ودخلت الصالة'.

وأوضح: 'أرجو وبعد إللي أنا فهمته انهاردة وأسعدني، أنه هناك انفراجة مش عليا أنا بس، هتبقى لكل أبناء مصر المخلصين، وشاكر لكل الناس اللي كانوا خايفين عليا وأنا حاليا متجه للبيت وبطمنكم كلكم'.