ياسمين عز للسيدات: «استأذني جوزك قبل ما تروحي الحمام»

وجهت الإعلامية ياسمين عز مجموعة من النصائح لمتابعات برنامجها بشأن طريقة التعامل مع الزوج، وخلال حلقة اليوم من برنامج 'كلام الناس' كشفت عز عن طريقة التصرف في حال كان الزوج في حالة عصبية، كما نصحت متابعات برنامجها بأسلوب معين لاستئذان الزوج قبل دخول الحمام.

وقالت عز: 'لو إنتِ قاعدة جنب جوزك فرعونك ما تتنفسيش وهو بيتنفس عيب'.

وأضافت: 'هل معنى كلامي إنك تكتمي نفسك وتموتي، بعد الشر عليكي افهمي معنى الجملة، يعني لما يكون متعصب وصوت نفسه عالي من العصبية متتنفسيش إنت كما وتنفخي بصوت عالي معاه، ده هيزود شحنة السلبية والنكد وهتقوم خناقة'.

واختتمت عز: 'لو إنتو قاعدين مع بعض بتتسامروا وتتكلموا، مينفعش فجأة تقومي في نص كلامه وتمشي بدون استئذان تروحي الحمام، الحمام مش أهم منه يا مدام'.