«مش هسيبك رجع فلوس الغلبانة».. بسمة وهبة تكشف تفاصيل تعرض عاملة لديها للنصب

كشفت الإعلامية بسمة وهبة، عن تفاصيل تعرض إحدى الفتيات التي تعمل معها لعملية نصب من قبل حبيبها.

ونشرت 'بسمة وهبة'، مقطع فيديو جديد، عبر حسابها على موقع التواصل الاجتماعي لتبادل الصور والفيديوهات القصيرة إنستجرام.

وخلال الفيديو، ظهرت الإعلامية بسمة وهبة، برفقة إحدى الفتيات التي تعمل معها وهي تبكي، بعد تعرضها للنصب من شخص يزعم أنه يحبها، واستولى على راتبها الشهري.

وقالت بسمة وهبة، في الفيديو: 'مفيش راجل بياخد فلوس الست ويبقى بيحبها..  بصوا يا جماعة البنت بتشتغل معايا جميلة وطيبة وقلبها ابيض من اهل البحيرة استلطفت حد وحد استلطفها ولكن اتضح انه كان بيضحك عليها'.

وأضافت: 'قصة بتتكرر كتير في حياتها وهي البنت مطلقة، وهي اللي كانت بتصرف على مرض أم الولد اللي كان بيقول انه بيحبها لأن كان عندها السرطان، الولد عارف أن اهل البنت انهم مش عايزينه عشان كدا كان بيضحك عليها وبياخد فلوسها'، متابعة: 'لما أهل البنت وافقوا على الولد وطلبوا منها انه يتقدم، قالها معلش أصل أنا مش قادر.. اصل انا مش عايز ازعل امي وانتي تستاهلي حد احسن مني'.

الإبلاغ عن السارق في الشرطة والمجلس القومي للمرأة

وأكملت: بعد ما أكلت شقى عمرها جاي تقول للبنت انها تستاهل حد احسن منه طبعا تستاهل حد احسن منك، كل رجالة الدنيا أحسن منك لانك ديوث، عشان قبلت إن ست تصرف عليك وعلى بيتك وشقى ابنها اليتيم، انا مش هسيبك وهبلغ عنك، ومش هسيبك لان البلد فيها قانون والمجلس القومي للمرأة واهل البحيرة'.

ووجهت بسمة وهبة حديثه للفتاة، قائلة: 'القانون لا يحمي المغفلين لانك مغفلة، دا يعلمك انك لما تبقي عايزة تتجوزى راجل تعرفي حاجة واحدة انك لو هو قبل تفعيله 3 جنيه يبقى مش راجل ومش بيحبك'.

وأتمت موجه حديثها للشاب: 'انتا مش راجل ومعندكش نخوة مش موجودة لأنك خدعتها واخدت فلوسها وكذبت عليها،  احنا في أيام مفترجة، رجع فلوس الغلبانة بدل ما أبلغك عنك'.