الفنانة يسرا عن حضورها فرح بعد جنازة سمير غانم: مش يمكن روحت عشان أنسى الحزن؟

علقت الفنانة يسرا، على حضورها عزاء الفنان سمير غانم وزفاف في نفس اليوم، بأنه كان ضروريا، إذ تربطها علاقة وثيقة بالعائلتين.

وخلال استضافتها في أولى حلقات برنامج «أنا والقناع» الذي تقدمه الإعلامية منى عبدالوهاب على شاشة «الحياة» تابعت: «حضرت فرح في نفس اليوم، وأي حد حزنت عليه حزنت من قلبي'.

وأكملت الفنانة: «كل يوم عندك بتبقى فيه حالة وفاة وحالة فرح، وبتتحسب عليكي ولازم أحضر».

واختتمت يسرا: «اتعلمت من الدنيا إنك عمرك مهترضي حد، مش يمكن أبقى روحت الفرح عشان أنسى الحزن، والعريس والعروسة هما اللي بيجولي وهما زي ولادي بالظبط، وعلاقتي بالعيلة دي مهمة وعلاقتي بالعيلة التانية مهمة، ومفيش شك إني بحب سمير غانم، وكلمت دلال عبدالعزيز وأنا في جنازته ومش قايلالها إني في جنازته، والناس بيبقى نفسها تشوفلك الغلط.. مش يمكن روحت الفرح عشان أنسى الحزن؟».