شريف عامر عن مشاركته في "رامز نيفر إند": أنا اللي بيجربوا عليه المقلب الضحايا المفروض يدعولي

كشف الإعلامي شريف عامر، عن مفاجأة بشأن وقوعه ضحية برنامج مقالب رامز جلال 'رامز نيفر إند'.

شريف عامر عن مقلب رامز جلال: الضحايا المفروض يدعولي

وقال شريف عامر، خلال تقديم برنامجه 'يحدث في مصر' المذاع عبر قناة 'إم بي سي مصر': 'أنا مكنتش ضحية أنا كنت التجربة'.

وأضاف شريف عامر: 'أنا كنت التجربة والضحية اللي بيجربوا عليها قبل ما يستضيفوا ضحايا جديدة'.

وأوضح شريف عامر: 'محدش رضي يقولي أي حاجة ولا حد غششني حاجة'، لافتا: 'فيه حد من الزملاء قالي الأفضل أنك تقلع النضارة يا شريف.. أنا فيصت جدا وتعبت لكن على الأقل أنا عافرت وقولت هعمل زي ما رامز يعمل، وأخدت خبطتين صح'.

وتابع رامز جلال: 'مكنتش أعرف أن الغسالة دورتين، وخدت خبطتين صح.. اللي أنا معجب بيه جدا في الضحايا أنهم بيقدروا يكملوا بعد المقلب ويتخانقوا مع رامز، لأن رامز وهو بيكلمني مكنتش حاسس بحاجة، كنت عمال أكشف على نفسي واتأكد أن ضهري سليم'.

وأكمل الإعلامي شريف عامر: 'أنا اللي قولت لهم حطوا مخدات على الحيطة، الضحايا المفروض يدعولي'.