وجهت الإعلامية ريهام سعيد، اعتذار الإعلامي الكبير طارق نور والزميلة أسما ابراهيم مقدمة برنامج 'حبر سري' بعد النجاح الكبير الذي حققه البرنامج في مواسمه المختلفة، قائلة: 'الاعتراف بالحق فضيلة والاعتذار دائمًا لما يكون واجب عمره ما بيصغر بالعكس بيكبر ويبين تربية الواحد والحمد لله الميزة الوحيدة اللي فيا إني متربية'.
وقالت 'سعيد'، في منشور لها على صفحتها الشخصية بموقع التواصل الاجتماعي 'فيس بوك'، 'سبب اعتذارها من سنة هاجمت الأستاذ طارق نور عشان أسما إبراهيم فجأة ظهرت، واللي كان بيتقال انها بتنتج لنفسها ومعرفش ده حقيقي ولا لأ ولا ده المهم.. وساعتها كانت ضعيفة بالنسبة لي جدًا إنها تحاور نجوم قامة وكبار وحسيت ساعتها إن المسألة بقت عبارة عن حد معاه فلوس فيظهر على التلفزيون'.
تغريدة ريهام سعيد
اعتذار ريهام سعيد
وأضافت: 'بعدما سنة عدت أنا باعتذر للأستاذ طارق نور اللي أثبت أن لما الاستاذ يتكلم التلاميذ تسكت أكيد كان عنده نظرة.. أسما السنة دي عاملة توليفة شاطرة أوي بين السخونة والصدق وعدم الفبركة والضحكة وإظهار الحقيقة والمهنية والمحايدة وكل حاجه حلوة.. يمكن في الأول كان في عدم خبرة ورهبة الكاميرا بس السنه دي أبدعتي'.
واستكملت: 'بما إني شخصية بتحب كل حاجه تبقي مفهاش غلطة أنا فاهمة أنا ليه كتبت كده وأنا ضد تقييم زملاء بس برضوا كان صعب أعتبر أسما زميلة في سنة واحدة بعد ٢٥ سنة، اسما إبراهيم أنا كنت غلطانة.
وعبرت ريهام سعيد عن سعادتها بنجاح برنامج 'حبر سري'، تقديم أسما ابراهيم، قائلة: 'أمتعتينا بابتسامتك الحلوة وموهبتك ظهرت ببراعة كفاية إن في ناس بقالهم سنين ومتعلموش حاجة'، مضيفة: 'أنتي خارج تقييمي أو تقييم غيري محدش ليه أنه يقيم أنا كنت غيرانه على المهنة في وقت ظهر ناس كتير أوي مالهمش معنى، أهلا بيكي زميلة جميلة رقيقة مع ضيوفك بتحطي السم في العسل'.
وأكملت: 'حبر سري برنامج رقم واحد في رمضان، وإن شاء الله من نجاح لنجاح وكل التحية لميلاد أبي رعد الجندي المجهول وراء نجاح القاهرة والناس وصانع النجوم الأول.. أنا اسفه'.
تابعوا آخر أهل مصر على Google News
