خالد الصاوي: لو اتعرض عليا دور عمارة يعقوبيان تاني هعمله

علق الفنان خالد الصاوي على دور الصحفي المثلي جنسيًا الذي جسده في فيلم عمارة يعقوبيان، وهل لو عاد به الزمن من جديد سيختار أن يقدم هذا الدور أم لا، قائلًا: 'دوري في عمارة يعقوبيان كانت فرصة عظيمة، لو اتعرض عليا دور عمارة يعقوبيان تاني هعمله، وهرفضه في حالة إذا كنت متزوج ومخلف، عشان بناتي، إحنا في الأخير مش عايشين في الدنمارك'.

وخلال لقائه ببرنامج 'أنا والقناع' المذاع عبر فضائية 'الحياة' الذي تقدمه الإعلامية منى عبدالوهاب تابع الصاوي: 'لو عملت دوري في عمارة يعقوبيان وأنا متزوج، ساعتها هقول إيه لحمايا مثلًا، ده رجل محترم هيعمل إيه ساعتها لأنهم هيشتموه، مراتي وأولادي هيتشتموا بيه، إحنا في واقع كلنا عارفينه، لو الدور هيأثر عليا أنا بس، معنديش مشكلة إني أتشتم وأتخانق عادي جدًا'.

واختتم الصاوي: 'الدور عظيم جدًا وبحبه، لكن أعمله وأنا عايش لوحدي، ولو اتعرض عليا دور عمارة يعقوبيان تاني هعمله'.