قالت الفنانة روجينا: "أنا مغلطتش في حق أحد يمكن أكون غلطت في حق نفسي ودائما باجي على نفسي علشان مجيش على حد، وغلطت في حق نفسي كتير بس أنا بدأت اتدارك ده حاليا وبقول لنفسي كفاية لأن هذا الأمر أصبح مرهقًا نفسيًا بالنسبة لي".
وخلال لقائها في برنامج "أنا والقناع"، تقديم الإعلامية "منى عبدالوهاب"، المذاع عبر فضائية "الحياة"، تابعت: "أغلط في حق حد عمري ما اعمل كده وأنا بتأسف لنفسي بسبب إني كنت متسامحة في حاجات مكنش ينفع اتسامح فيها وبتأسف لنفسي لأن في وقت من الأوقات اديت كتير أوي ومخدتش ولما طلبت مخدش برضو وبشكر ربنا أن ده حصل لأنه علمني كتير".
واختتمت روجينا: "طلبت كتير من أصدقاء مقربين ومش مثال واحد، اديت لأصدقاء كتير ووقفت جمبهم ولما احتجتهم موقفوش جمبي وضحيت ووقفت وكنت سند بس ده مضعش ولقيت الـ يقف في ضهري ويسندني فنسيت عشان ربنا بيعوض".
تابعوا آخر أهل مصر على Google News
