قوي ودمه خفيف.. رضوى الشربيني تكشف مواصفاتها المطلوبة في الزوج (فيديو)

كشفت الإعلامية رضوى الشربيني عن المواصفات التي تبحث عنها في الزوج.

وقالت رضوى الشربيني، خلال استضافتها في برنامج 'أنا والقناع' الذي تقدمه الإعلامية منى عبد الوهاب المذاع عبر قناة الحياة، إنها مرت بتجربة حب حقيقية بعد انفصالها، لكنها قصة لم يكتب لها الاستمرار.

رضوى الشربيني: قابلت الحب الحقيقي بعد الانفصال ولكن القصة مكملتش

وأضافت رضوى الشربيني: 'قابلت الحب الحقيقي بعد الانفصال ومكنش تعويض عاطفي وإنما قصة حب حقيقية، ولكنها انتهت وأنا مبحبش أتكلم عن القصص اللي انتهت بسبب إننا اتفقنا إننا لا نتفق'.

وأوضحت رضوى الشربيني مواصفات الزوج الذي تتمناه قائلة: 'لازم يكون راجل قادر والقدرة هنا بمعنى إنه يكون قادر على العفو عند المقدرة، عشان ميبيصش على أخطائي ولا صغائر الأمور اللي أنا بعملها، وهيكبر دماغه ومش هيتلككلي ومش هيبص على عيوبي، ولازم يكون قوي ويشاركني كل أموري، ويكون سند وقوته دي تكون معايا مش عليا، ولما يقرر إنه مش عاوز رضوى الشربيني ميعملش أي حاجة غير إنه يجيني ويقوللي في وشي أنا آسف مش قادر أكمل'.

وتابعت: 'لازم يكون ناجح، مقدرش أتجوز راجل مش ناجح ولا أنا أكون أنجح منه، ويكون عنده طموح ويتقي ربنا في البني آدمين، ومكونش أنا أولهم لكن مامته وباباه، ولازم يكون بيحبني قوي وبيهتم بيا قوي، ويعرف يتعامل معايا لأن أنا صعبة، ويكون حنين وطيب ودمه خفيف عشان مقدرش أتجوز راجل دمه تقيل أبداً، ويكون شيك وخفيف في نفسه'.