كشف السيناريست تامر حبيب عن سبب رفضه الكتابة للفنان محمد رمضان، كما تحدث عن حبه الشديد للرقص الشرقي، وتحدث عن الفنانة دينا الشربيني والهضبة عمرو دياب.
وخلال تصريحات في برنامج 'حبر سري' قال حبيب: مش هكتب لمحمد رمضان النوع اللي بيعمله في أعماله لأني معرفش أعمله ومش حابب.
وأكمل حبيب: 'كنت بحضر لـ 3 أعمال مع عمرو دياب لكن مكملوش لأن عمرو عنده حسابات تانية وهو من أذكى الفنانين اللي بيتعاملوا مع موهبتهم ودايمًا بتعلم منه لأنه رقم واحد وعمره ما يكون رقم 2'.
وتابع تامر حبيب: عمرو دياب وعادل إمام ظاهرتين في تاريخ الفن طلعوا منزلوش ومش هينزلوا تاني أبدًا.
وأكمل حبيب: والانفصال بين عمرو دياب ودينا الشربيني كان بشكل محترم جدًا وعمرو دياب مغلطش في دينا ولا دينا غلطت فيه والعلاقة بينهم محترمة.
وتحدث عن علاقته بالفنانة منة شلبي وقال: 'أنا بحب منة شلبي جدًا ومفيش بينا علاقة عاطفية، ومنة شلبي اللي جابت كفن أمي ووقفت على غسل أمي'.
تامر حبيب: بحب الرقص الشرقي جدًا
وتحدث عن حبه للرقص قائلا: 'أنا أطول إبقى زي فيفي عبده وبحب الرقص الشرقي جدًا وبحب أتفرج عليه ومن أسعد أيام حياتي لما عملت برنامج الراقصات'.
تامر حبيب: اتربيت في بيت رجاء الجداوي
وتحدث عن علاقته بالفنانة رجاء الجداوي وقال: تامر وحبيب: بصحى الصبح بقرأ الأدعية بتاعتي وبقرأ الفاتحة لدلال عبد العزيز وسمير غانم ورجاء الجداوي.
وتابع: رجاء الجداوي هي بمثابة الساحرة الطيبة وكانت بتفتحلي أبواب الفن وزوجها كان أبويا التاني واتربيت في بيتهم.
تابعوا آخر أهل مصر على Google News
