عبير صبري: «كنت سايبه زوجي لوحده طول رمضان عشان أخلص شغلي»

حكت الفنانة عبير صبري خلال الحلقة عن دعم زوجها لها في عملها خلال شهر رمضان، قائلة: انا مشوفتش جوزي من شهرين، وسايبني عشان اشتغل وعمره ما اشتكى أني سيباه لوحده طول رمضان بيفطر وبيتسحر لوحده، عشان أقعد جنبي شغلي'.

وقالت 'صبري'، في تصريحات تلفزيونية، على فضائية 'تن': 'في مرة قلت له سامحني على التقصير قالي ماتفكريش في حاجة خالص فكري في شغلك بس وخلصيه على خير متفكريش فيا فكري في شغلك'.

نصيحة عبير صبري للنساء

ووجهت عبير صبري نصيحة للنساء التي تتسبب في حدوث مشاكل كثيرة مع أزواجهن، قائلة: 'الستات اللي بتخرب بيتها بايدها ملهاش نصيحة كانت نفعت ونصحت نفسها، في ستات لو بتغلط غلطة صغيرة بتلاقي اللي بيميل عليها يقولها خدى بالك من كذا، لكن لو الشخصية اساسها غلط وغيوره وانانية وعصبية مش فارق معاه غير نفسها ومصالحتها وبتهمل زوجها ربنا يعينها على نفسها'.

وأضافت:  'في الاخر الست هي السكن والمودة والبيت عشان كدا بنقول الست ملكة في البيت لأنها تحكم، ولازم تحكم بخير وسلام وحب او تحكم بظلم وكراهية وتخرب بيتها بأيديها، واتمنى كل الستات يبقوا متزنين نفسيا'.