علق الإعلامي عمرو أديب على الهجوم الذي تعرض له زميله في قناة 'إم بي سي مصر' الإعلامي شريف عامر، بعد مداخلة من الفنان عادل إمام، خلال برنامج 'يحدث في مصر'.
وقال عمرو أديب، خلال تقديم برنامجه 'الحكاية'، إنه سأل عن تفاصيل المداخلة، وعلم أنها أجريت بشكل مفاجئ وعن طريق المصادفة، ولم يكن مخطط لها، مشيرًا إلى أن الزعيم هو من طلب إجراء المداخلة.
وأضاف عمرو أديب: 'الناس اللي عند عم عادل إمام في البيت بيتكلموا مع شريف في التليفون وقالوا إحنا بنكلم شريف، وقالهم أدوني أكلمه'.
عمرو أديب يدافع عن شريف عامر بعد الهجوم عليه بسبب مكالمة الزعيم
وتابع عمرو أديب، أن المذيعين نوعين؛ إحداهما يحسب الأمور بشكل دقيق، والنوع الآخر لا يحسب شيئًا، موضحا: 'في مذيع بيبقي عايز يعصر المصدر للآخر، وفي حد تاني بيقول مش قضية المداخلة، أنا سعيد أن إنت معايا ومش عايز أضايقك ولا أطول عليك ولا أبقى بايخ'.
وأردف عمرو أديب: 'أنا مكلمتش شريف عامر، ولكن أنا عارف شريف بيفكر إزاي؛ مكنش عايز يضغط على الراجل، وهقول لكم كمان كلمة محدش عايز يقولها، إنه يخليه يقول حاجة مش حلوة!'.
وأوضح: 'شريف مش اللي هو مش عارف يسأله، أنا أقولك 20 سؤال لعادل إمام، لكن شريف كان مقدر إن الراجل داخل معاه يوم عيد ميلاده ومقدر أنه مش عايز يضايقه'.
وأكمل عمرو أديب: 'أنا قعدت سنين الزعيم عادل إمام يكلمني بالليل في البرنامج مساء الخير يا عمرو أقوله مساء الخير يا زعيم يقولي أنا داخل أنام بقى مع السلامة.. وكانت إفيه'، متابعًا: 'شريف عامر قرر يكون ظريف ولطيف وإنسان في مكالمته مع الزعيم'.
تابعوا آخر أهل مصر على Google News
