قال الإعلامي أحمد موسى إن مجلس النواب سوف يناقش غدا قانون ضريبة الدمغة ورسم تنمية الدولة والمسارح.
وخلال تقديم برنامجه على مسئوليتي" المذاع الآن عبر فضائية "صدى البلد" تابع موسى: "أنا بناشد مجلس النواب، المواطن مش حمل إضافة أي جنيه على أي سلعة تاني، والـ 100 مليون مصري كلهم زعلانين من زيادة الأسعار".
وأكمل موسى: "مفيش دولة في العالم كل ما تتزنق تروح لجيب المواطن.. الحكومة لازم تتطبطب على المواطن.. إزاي واحد رايح نادي يفرح شوية يدفع رسوم؟.. وإزاي سائح جاي عندي أقوله هاحد منك 50 جنيه وأنت ماشي عشان يروح ميرجعش عندي تاني".
وواصل موسى: "يا جماعة يا مجلس النواب، أجلوا موضوع ضريبة الدمغة ده.. ما الموضوع كان من سنة واتأجل عادي.. إزاي آخد إجراء زي ده في الوقت ده؟.. لو سمحتوا يا مجلس النواب أمامكم مسئولية تاريخية غدًا.. مش كل ما نتزنق نجري على جيب المواطن.. اللي بيحصل ده غلط".
تابعوا آخر أهل مصر على Google News
