كنت بذاكر على «جردل».. الأولى بالشهادة الإعدادية في كفر الشيخ تروي كواليس تفوقها

عرضت الإعلامية إيمان الحصري، الحكاية والكواليس وراء تفوق منة الله عماد الأولى مكرر بالشهادة الإعدادية بكفر الشيخ.

الأولى مكرر بالشهادة الإعدادية بكفر الشيخ

وخلال مداخلة هاتفية لبرنامج 'مساء dmc'، مع الإعلامية إيمان الحصري، قالت الحصري: 'السنة دي كانت صعبة جدًا، أنا عايشة في شقة خالية تمامًا، وقاعدة على البلاط وبذاكر على جردل، لإن الشقة مفيهاش غير مرتبة والجردل ده'.

وأضافت: 'كنا عايشين في دولة عربية ونزلنا وأنا في 5 ابتدائي، مشاكل عائلية مع عيلة بابا واطردت في الشارع الساعة 11 بالليل في بداية الإعدادية، وعشت فترة في المنصورة'.

رسالة شكر

وتابعت: 'في السنة اللي بعدها ماما انفصلت غيابي من غير ما تعرف وعملنا تمكين بعد فترة فتحنا الشقة لقيناها فاضية تمامًا على البلاط، وجدتي والدة بابا أخدت كل حاجة، وفضلنا فيها واستحملنا، والمرتبة دي جدتي جابتهالنا من الدقهلية والبطاطين الجيران اللي جابوها'.

واختتمت: 'كان عندي هدف إني أثبت إني رغم كل الصعاب أقدر أوصل، وباشكر كل مدرس وقف جنبي ودعمني نفسيًا وساعدني في دراستي'.