الرئيس السيسي: كل ما فاتورة الدولار تزيد هتكون عبء على الاقتصاد

قال الرئيس عبد الفتاح السيسي، إن ارتفاع أسعار الدولار له تأثير كبير جدا على الأسعار فى مصر، متابعًا: 'كل ما فاتورة الدولار تزيد هتكون عبء على الاقتصاد لأني عايز اجيب حاجات اساسية مش بس الأكل والشرب'.

وأضاف الرئيس السيسي، خلال لقائه بأهالي قرية الأبعادية، خلال زيارته للقرية لإفتتاح عددا من المشروعات ضمن مبادرة حياة كريمة، اليوم الأربعاء، قائلًا: 'كان زمان الريف كان يغطي حاجته حد كان بيجيب زيت فى البيت كان عيبة أوي أن حد يشتري الزيت أو يشتري بيضة أو فرخة.. كانت البيوت عبارة عن وحدات إنتاجية صغيرة.. و الريف من 40 سنة كان يغطي نفسه وكمان كان يخصص جزء من الحضر'.

وأكمل: 'دا مبيحصلش دلوقتي بالمستوى اللي كان.. الدولة النهاردة بقت معنية أنها تغطي كل الطلبات والكلام دا يبقي متوفر.. أتحولنا من حالة اللي كانت قبل كدا لحالة تانية.. ليه الاسعار بقت كدا.. مانتوا بتتكلموا لغاية 52 كنا 19 أو 20 مليون كل مصر من الريف والحضر.. وثم فى عهد السادات وصلنا لـ40 مليون.. ثم فى 2011 كنا تقريبا 80 مليون.. اليوم احنا 105 مليون وإحنا قاعدين بندردش فات كام دقيقة كل 15 ثانية فيه مولود'.