الرئيس السيسي: «أنا واخد بالي من الفساد اللي حصل في البلد لا يمكن أسيبه»

أكد الرئيس عبد الفتاح السيسي، إنه يجب بناء وتدشين بنية أساسية قوية تليق بالدولة المصرية من أجل مستقبل أبنائنا، متابعًا: 'اللي عايز يبني البلد ميخافش أبدًا غير من ربنا'.

وقال 'السيسي'، خلال افتتاح محطة تحيا مصر متعددة الأغراض ورفع العلم المصري على سفينة وادي الملوك بميناء الإسكندرية، المذاع عبر فضائية 'اكسترا نيوز'، اليوم الخميس، إن الدولة لن تترك أي تعدي على أملاكها.

وأضاف، قائلًا: 'احنا بنحفر مستقبل بلدنا.. وكل طوبة بتتعمل في البلد أنا معاها وشايفها، أنا واخد بالي من الفساد اللي في البلد لا يمكن نسيبة.. وبتحرك لمواجهته ولو معملتش غيري هيخاف'. 

وأردف، السيسي، قائلًا: 'المستقبل بتاع البلد دي، إذا مكانش فيه بنية أساسية تليق بدولة هتبقوا مش بتعملوا مستقبل خالص، إن كنتم بتقولوا الأكل والشرب، هقول حاجة صعبة هو إحنا حرمنا الناس؟! إحنا بنقسى على نفسنا شوية وأرجو إن ضيوفنا النهاردة ميتضايقوش من كلامي، أنا بكلم الناس في بلدنا، إنتو حاجة في بلدكم وإحنا حاجة تانية'.

وتابع: 'نحن نمثل جنوب المتوسط بتحدياته ومشكلاته، وأنتم في بلدكم أنهيتم هذه الأمور منذ سنوات طويلة، لديكم شبكة سكك حديدية تربط القارة الأوروبية كاملة وشبكة طرق تربط القارة الأوروبية كاملة ولديكم مصانع.. إحنا بنحاول نعمل حاجة عشان نعيش إحنا كمان'.