رضا البحراوي: اشتغلت كمسري على عربية ميكروباص وكنت بخاف أنزل القاهرة

حل المطرب رضا البحراوي، ضيفا في برنامج "صاحبة السعادة"، الذي تقدمه الإعلامية والفنانة إسعاد يونس، والذي يعرض على قناة "dmc" الفضائية.

مهن كثيرة في سن صغير

وأوضح "البحراوي"، أنه عمل في مهن عديدة وهو في سن صغير، معقبا: "اشتغلت كل حاجة وأنا صغير ومطلعتهاش كدة، ووالدي ووالدتي على قد حالهم".

وتابع رضا البحراوي: "اشتغلت بـ 10 جنيهات و15 جنيه في اليوم، وعمري مشربت أي حاجة، لا سجائر، ولا غيرها"، متابعا: "اشتغلت كمسري على عربية ميكروباص، وأخويا كان سواق وأنا بشتغل معاه، وأبويا كان بيقول لي ربنا هيرزقك عشان أنت حنين على أهلك".

القاهرة فيها عتاولة هروح منهم فين

وواصل حديثه: "كنت بخاف انزل أغني في القاهرة، عشان فيها عتاولة، أنا هروح فيهم فين بس..

اللي أنا فيه بتاع ربنا، وأغنية ناس مني ومن دمي، مكنتش فيديو واتخدت من فرح في الشارع"، مستكملا: "الحمد لله أنا عشان طيب وبحب كل الفنانين بس هي ماشيا معايا بفضل ربنا".