انتقدت الإعلامية مروة صبري غلاء الأسعار المبالغ به في شواطئ الساحل الشمالي، مؤكدة أنه يجب أن يكون هناك حلول بديلة للحد من زيادة الأسعار.
وقالت 'صبري'، في مقدمة برنامجها 'قعدة ستات'، المذاع عبر قناة 'القاهرة اليوم'، إنه في عيد الأم وعيد الحب وأي مناسبة من المناسبات ترتفع أسعار الورود لأن هذا موسم، متابعة: 'هو أنت جاي تبص لنا في الفلوس؟ هي دي الفكرة ولازم نلاقي بدائل'.
وأضافت، قائلة: 'أنا بالنسبة ليا مش هروح أصرف كل الفلوس دي هناك، إلا لو هاخد كل حاجتي من هنا وأروح على هناك، لأن فكرة أن الواحد يروح ويأجر مكان وهناك غالي جدًا جدًا، والواحد دلوقتي علشان يطلع الساحل محتاج يعمل دراسة جدوى علشان يشوف وضعه إيه'.
وأكملت: 'أنا بعترف بكل صراحة وبعترف أنا لو كنت روحت الساحل في العيد كنت هرجع بشحت، كنت هروح أقضي 3 أو 4 أيام وهرجع أغني ظلموه في البيت، وقررت اني هقعد في البيت لغاية ما أعمل ثروة وبعدين أروح الساحل على أول شهر 8'.
تابعوا آخر أهل مصر على Google News
