ياسمين عز ترد على سخرية متصلة: مكنتش أعرف إني هكون مذيعة

أجابت الإعلامية ياسمين عز، عن سؤال إحدى المتابعات قالت خلاله.. أنتِ جايه تعلمينا نعمل لفات طرح من سنة 2005؟.

وخلال برنامجها 'كلام الناس' قالت عز: 'بعد النجاح الهائل والمنقطع النظير لفقرة لفات الطرح والحجاب الذي قمت به منذ فترة، كنت وعدتكم أننا سنقوم بفقرة عن الجيبات الجينز، اللي رجعت موضتها تاني'.

وأكملت عز: 'عارفني طالما وعدت لازم أوفي، فبمناسبة فقرة لفات الطرح أنا هعملكوا النهاردة الجيبات الجينز، وهعمل كدا علشان البنات اللي بيلبسوها وللي حطينها فى الرف بقالهم 15 سنة تطلعها وتلبسها توفيرا وأنها موضة فى أكبر المحلات، وكنت لسة مسافرة خارج مصر محل ماركة كبيرة منزل جيبة جينز فاتحة من قدام'.

رد ياسمين عز على المتصلة

واختتمت: 'استوقفني تعليق لمدام فاضلة فيما يخص فقرة لفات الطرح بتقولي فيه أنتِ جاية تعلمينا لفات طرح من 2005، بصي يا يا طنط أنا في 2005 كنت فى المدرسة قاعدة لابسة شرابي أو كور اللي كنتي بتلبسيهم لبنتك علشان أنا أد بنتك، وباكل سندوتش الفينو بالجبنة الرومي أو جبنة بالخيار والزيتون ، ومكنتش أعرف أني هطلع مذيعة أعملك لفة حجاب فى 2023 وتيجي تتريقي، أنا في 2005 كنت بلبس مريلة'.