رد عمر مكاوي، ابن شقيق رجب بحة، على اتهام المستشار مرتضى منصور رئيس نادي الزمالك الصادر في حقه حكم قضائي بعزله من رئاسة النادي، لعمه بالقيام بأعمال سحرية من أجل تعطيل مسيرة الفريق الأبيض وأنه سر فوز الأهلي على الأبيض في مباراة القمة الأخيرة برباعية.
وخلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم" قال مكاوي: "عمي من محافظة الفيوم وتفاجأنا إمبارح على السوشيال ميديا بصورة منشورة على جميع المواقع لعمي وبقى تريند، راجل يعيش في أوضة وحمام وشغال عامل بناء وعمره 59 سنة وعنده 4 أولاد على وش جواز، حالة عمي النفسية صعبة جدًّا مش عارف يعمل إيه، كل القنوات والصحفيين نزلوا النهارده الصبح عليه وهو في حيرة من اللي بيحصل معاه".
وتابع: "عمي عايز المستشار مرتضى منصور يطلع يدين الشخص اللي بعت له صورته، هو راجل من شغله للبيت وما يعرفش أصلًا نتيجة مباراة الأهلي والزمالك، وما لهوش في السحر ولا أعمال، الراجل محترم وغلبان ومن أسرة فقيرة وعايزين مصر تقف معاه والحق يظهر لتبرئته".
تابعوا آخر أهل مصر على Google News
