علقت سارة نخلة على فيديو الراقصة بحفل تكريم طلاب الثانوية العامة بمحافظة القليوبية المنتشر على السوشيال ميديا، قائلة: 'هي أصلا مش لابسة بدلة رقصة دي محتشمة'.
وأضافت 'نخلة'، في تصريحات تلفزيونية على قناة 'هي' قائلة : 'فاكرين فرقة رضا كانوا بيلبسوا الحاجات الشعبية المحتشمة لية بعد انتشار الفيديو الراقصة انقسم الناس بين مؤيدين ومعارض'، متابعة: 'وزارتي التربية والتعليم والشباب والرياضة ملهمش علاقة بالحفل ونفت علاقتهم بيها وقالوا إن الحفلة دي حتى مش موجودة في مبنى مركز الشباب ودي حفلة أقامها أحد أهالي القرية تكريما للطلاب في ملعب خارجي ملهمش اي علاقة بالوزارة'.
راقصة استعراضية
وتابعت: 'الراقصة محتشمة، طول عمرنا بنروح أفراح واماكن كتير اوى في راقصة استعراضية ممكن هنا عايزين يفرحوا وحد يوجب معاهم مفيش مشكلة لكن الغلط أننا ننسب دة لوزارة التربية والتعليم أو الشباب والرياضة'.
وعن رأيها بوجود الراقصة بالحفل، رد قائلة: 'أنا شايفاه أنه لكل مقام مقال أنا مش شايفاها مناسبة والشكل العام مكنش لطيف طيب يا جماعة استنوا لما تتجوزا تتخطبوا أنا مش شايفاها حاجة لطيفة، بس بردة الهجوم مكنش لطيف الهجوم كان بشكل لاذع جدا المكان ملهوش علاقة بالوزارة هو حد أجر المكان عايز يوجب مع الشباب'.
واستكملت: 'الموضوع بسيط حضرتك معترض على راقصة ليك الحق بس لا تتهم اي وزارة من الوزارت، ناس عايزة تفرح وفي الأخر هما أحرار كان مهم أننا نعلق لأن الوزارة ملهاش اي علاقة باللي حصل'.
تابعوا آخر أهل مصر على Google News
