الدنيا صعبة والناس مش عارفة تاكل حتة لحمة.. إعلامي يُطالب بإقامة موائد الرحمن طوال العام

أشاد الإعلامي محمد على خير، بإطلاق تحالف العمل الأهلي التنموي مبادرة «ستر وعافية»، مشيرًا إلى أن هناك 30% من المواطنين تحت خط الفقر، وفقًا لتقارير رسمية.

وخلال برنامج «المصري أفندي» عبر فضائية «المحور»، مساء الجمعة، قال خير إن عدد كبير من المواطنين في مصر انكشف عنهم الستر خلال السنة ونصف الماضية مع ارتفاع الأسعار، موضحًا أن 80% من المصريين يحتاجون لـ«ستر وعافية» بدون مبالغة.

تدني الأجور

وأضاف: «الأجور عندنا متدنية، لو بدأت من الحد الأدنى 3 آلاف جنيه حتى 20 ألف جنيه، كل الناس دي محتاجة حتى اللي بيقبض 20 ألف، الـ20 اللي هما 10 بتوع السنة اللي فاتت، اللي هو قسط المدارس والإيجار والنت وغيره… الدنيا بقت صعبة أوي على الكل؛ الأغنياء والفقراء».

إقامة موائد الرحمن طوال العام

وتابع «خير»: «محتاجين نعمل مطاعم ببلاش، وده مش عيب، مش إحنا بنعمل في شهر رمضان مائدة الرحمن، إيه اللي يمنع إن مائدة الرحمن تتعمل دلوقتي، هو الجعان هيستنى كام شهر، الناس مش عارفة تاكل حتة لحمة».

الأدوار التنموية المجتمعية

واختتم: «ده دور تحالف العمل الأهلي، أتمنى نتوسع في الأدوار التنموية المجتمعية، مقدرش أوجه كلامي للأفراد، لأنهم بيعملوا ده وبزيادة، وأنا شايف اللي بيحمي مصر في كل الأزمات الاقتصادية اللي مرينا بيها هو التكافل الاجتماعي بين المصريين».