رحب الإعلامي محمد على خير، بالمبادرة التي أطلقها تحالف العمل الأهلي التنموي تحت عنوان «ستر وعافية»، مؤكدًا أن التقارير الرسمية أظهرت أن نحو 30% من المواطنين يعيشون تحت خط الفقر.
وقال الإعلامي خلال تقديمه برنامج «المصري أفندي» عبر فضائية «المحور»، مساء أمس الجمعة، إن عدد كبير من المواطنين في مصر انكشف عنهم الستر خلال السنة ونصف الماضية وذلك يرجع إلى ارتفاع الأسعار، مشيرا إلى أن 80% من المصريين بحاجة إلى الستر والعافية.
وأضاف "خير": " الدنيا بقت صعبة أوي على الكل؛ الأغنياء والفقراء، بسبب تدني الأجور وارتفاع الأسعار، لو بدأت من الحد الأدنى 3 آلاف جنيه حتى 20 ألف جنيه، كل الناس دي محتاجة حتى اللي بيقبض 20 ألف، الـ20 اللي هما 10 بتوع السنة اللي فاتت، اللي هو قسط المدارس والإيجار والنت وغيره.
وتابع "خير": «الناس مش عارفة تاكل حتة لحمة، محتاجين نعمل مطاعم ببلاش، وده مش عيب، مش إحنا بنعمل في شهر رمضان مائدة الرحمن، إيه اللي يمنع إن مائدة الرحمن تتعمل دلوقتي، هو الجعان هيستنى كام شهر"،؟!.
واستطرد: "ه دور تحالف العمل الأهلي، أتمنى نتوسع في الأدوار التنموية المجتمعية، مقدرش أوجه كلامي للأفراد، لأنهم بيعملوا ده وبزيادة، وأنا شايف اللي بيحمي مصر في كل الأزمات الاقتصادية اللي مرينا بيها هو التكافل الاجتماعي بين المصريين".
تابعوا آخر أهل مصر على Google News
