قال الإعلامي عمرو أديب، إن مصر مليئة بالعقول الهامة داخل مصر وخارجها؛ مشيراً إلى أنه آن الأوان للاستفادة من جميع العقليات ليس العلمية فقط ولكن رجال الاقتصاد المصريين المقيمين في أمريكا أو كندا أو الخليج، ولديهم استعداد لخدمة الوطن بشكل مجاني.
وأضاف الإعلامي خلال برنامج "الحكاية" المذاع على قناة "أم بي سي مصر": "أن الأوان في هذه الفترة أن نسمع للناس؛ لقيت تصريحات لوزارة التموين عن توفير حلاوة المولد بأسعار مناسبة في المجمعات؛ حلاوة مولد اية؟ هذا البلد يجب أن يتقشف خلاص في مظاهر كتير ومش أنت بس بلاد كبيرة وصغيرة ومتوسطة مفيش المظاهر دي".
وتابع: "كل ده يجب أن يتوقف تماما؛ البلد محتاجة كل قرش أحنا بس الدولة عندنا حلول ولكن انا بقول ياجماعة استعينوا بالمصريين النابغين؛ خطة الخروج من عنق الزجاجة وفي أشياء كتير لازم تتحرك؛ أنا عارف أن هناك طموح ورغبة في الإسراع بالتنمية ولكن في أشياء خلاص لازم نقف شوية وبص على الخريطة تاني".
وواصل: "يجب إعادة الهيكلة والأمور يتم النظر لها بشكل مختلف؛ الان انت ابتديت تشوف دة ولقيت حته مش قادر تشغلها 100% زي الكهرباء؛ ولكن لغاية دلوقت الدولة المصرية قادرة أنها توفر السلع والبنزين".
وأكمل: "الوضع مش سهل ولك محتاجين يحصل حاجات في الخارج دي مش في أيدينا وحاجات في الداخل دي اللي فايدينا".
تابعوا آخر أهل مصر على Google News
