عمرو أديب: " الزمالك بيطلع من نقرة لدحديرة والأهلى زي الفل وفلوسه زي الرز"

قال الإعلامي عمرو أديب، إن انتخابات نادي الزمالك المقبلة ستكون فارقة في تاريخ نادينا، يفوز من يفوز ولكن الأهم بالنسبة عودة النادي لطبيعته.

وأضاف عمرو أديب خلال برنامج "الحكاية" المذاع علي قناة "ام بي سي مصر" نريد أن يصبح الزمالك زي أي نادي في مصر وأحسن من أحسن نادي في مصر".

وتابع: "نادي الزمالك بقاله سنين بيعاني وبيطلع من نقرة يقع في دحديرة كفاية دحادير بقى، ما فيه نادي تاني اسمه الأهلي زي الفل والفلوس فيه زي الأرز والرعايات ضعف الزمالك وعنده 3 فروع وبيبص علي الفرع الرابع والزمالك لسه بيفكر في الفرع التاني".

واستطرد: "هل نجومية الزمالك أقل من الأهلي، فيه ناس واصلة أن فيه مؤامرة ان النادي يفضل متكعبل على طول، لأ مفيش مؤامرة ولا حاجة، بيراميدز بيحاول ياخد مكان الزمالك وتبقى المنافسة الأهلي وبيراميدز وده مش هينفع ولا هنقبل بيه".