قال الرئيس عبدالفتاح السيسي، إن الدولة لا تترك ثغرة لاستخدامها في نظم الحرب الحديثة في هدم الدول، لأن أنظمة الحرب العسكرية مكلفة اقتصاديًا وسياسيًا.
وأضاف الرئيس السيسي خلال كلمته بمؤتمر 'حكاية وطن'، خلال كلمته أثناء استعراض إنجازات الدولة خلال 9 سنوات في مؤتمر حكاية وطن 'بين الرؤية والإنجاز'، المذاع عبر فضائية 'اكسترا نيوز'، اليوم الأحد: عملنا 300 وحدة بـ 85 مليار وفرشتها فرش جاهز وكان الهدف منه نعبر لأهلنا اللي ظروفهم صعبة إننا مش هنسيبهم، وكنت بكلم السادة مجلس القضاء الأعلى الصبح، قولتلهم تخيلوا إننا ممكن أهد مصر بـ2 مليار جنيه هما استغربوا أوي، قولتلهم: أدّي بكتة وألف جنيه وشريط ترامادول لـ100 ألف إنسان ظروفه صعبة أنزله يعمل حالة في الشارع'.
وتابع: 'هنزله 10 أسابيع بمليار جنيه، طب لو اديتهم 100 جنيه بس هنزل مليون كل أسبوع لمدة 10 أسابيع بمليار جنيه، هو أنا ممكن أهد بلد في 100 مليون بمليار جنيه يعني 30 مليون دولار، في ناس بتصرفهم في حفلة'.
وأكمل: لما ادفع 85 مليار للأسرة إنها مش حاسة إنها عايشة ومرمية في الصفيح والشوارع والمقابر، والبلد اللي مش لاقية تاكل تفرش لهم الشقة كمان.. طبعًا، إذا كنا بنفهم كلنا يعني إيه أمن قومي مش هتستكرتوا اللي احنا بنعمله دا، وإحنا تعبانين ومعناش نعمل كدا.. أيوة هنعمل كدا، عشان ميبقاش عندك ثغرة يتم استخدامها في نظم الحرب الحديثة في هدم الدول، محدش هيهاجمك من برة بشكل مباشر لأن تبعاته ضخمة ومكلفة اقتصاديا وعسكريا ومن منظور القانون الدولي'.
تابعوا آخر أهل مصر على Google News
