الرئيس السيسي للداعين إلى الحرب: «أوعى أوهام القوة تدفعك أنك تاخد قرارات غير صائبة»

وجه الرئيس عبد الفتاح السيسي، رسالة للأشخاص الداعين لدخول مصر في الحرب، بسبب ما يحدث من صراعات في المنطقة.

وقال 'السيسي'، في كلمة خلال اصطفاف الفرقة الرابعة مدرعة الجيش الثالث الميداني، المذاع عبر فضائية 'اكسترا نيوز'، إن مصر عبر تاريخها القديم والحديث لم تتجاوز حدودها، وكل أهدافها تحافظ على ارضها وترابها دون ان تمس، متابعًا: 'هذا يعني ان الجيش المصري بقوته مكانته وقدرته وكفاءته هدفه هو حماية مصر وامنها القومي دون تجاوز'.

وأكد أن حماية الأمن القومي والحدود المصرية دور أصيل للقوات المسلحة، مرادفًأ: 'مهم اوي تعرفوا أن انك وانت بتمتلك القوة والقدرة انك تكون بتستخدمها بتعقل ورشد وبحكمة وميبقاش في طغيان واوهام بقوتك الموجودة، الاسلحة اللي عندنا عشان ندافع أنفسنا ونحمي بلادنا، وعشان تتعامل مع الظروف بعقل ورشد بصبر'.

وأكمل: 'أوعى الغضب والحماسة يخليك تفكر بشكل تتجاوز فيه وتقول في وقت من الأوقات مكنش ممكن احنا نتجاوز كدا، أوعى أوهام القوة تدفعك انك تاخد قرار وتعمل إجراء تقول بعد كدا مكنتش دارس كويس، كنت مدفوع بغضبي بحماسة زيادة عن اللزوم'.