رد الفريق كامل الوزير وزير النقل لأول مرة، على ما تردد حول انهيار محور كمال عامر، قائلا: "أنا آسف بس مش عاوز أقول في شوية ناس مش بيفهموا ولكنهم بيرموا شوية تراب على الحاجة الحلوة".
وخلال مداخلة هاتفية مع الإعلامي أحمد موسى، مقدم برنامج "على مسئوليتي"، المذاع على قناة صدى البلد، تابع: "الناس إمبارح قالوا ألحق الكوبري وقع وإعدام كامل الوزير وصرف 2 مليار جنيه على الكوبري ووقع".
وأردف كامل الوزير: "أنا المسئول عن كل كباري مصر ولكن مفيش حاجة انهارت ولا وقعت، واللي اتقلب الكمر كانت على ونش بيركبها وكانت بعيدة عن الشارع في آخر منزل للكوبري اللي شغال تجريبي ولا تشكل خطورة على الناس".
واستطرد: "كمر خرساني فقط وقعت وكمان مالت على جنبها واتقطمت ووقعت في المكان المحدد للعمل ومن توفي العامل المسئول عن تصبين الكمر الخرساني".
وواصل وزير النقل: "الكوبري لم يتم افتتاحه بعد وإنما شغال تجريبي والرئيس السيسي هيشرفنا في مرة لافتتاح كل المشروعات في المنطقة".
واختتم: "مهما نقول اللي كارهينا كارهينا وربنا يهديهم ويقدرنا ونعمل حاجات كتيرة لبلدنا تحت إشراف رئيسنا في الولاية اللي انتخبه فيها الشعب الأصيل اللي فاهم".
تابعوا آخر أهل مصر على Google News
