حسام موافي لـ«التجار الغشاشين»: ربنا مش هيسيبكم

كشف الدكتور حسام موافي، أستاذ الحالات الحرجة بكلية طب قصر العيني، عن أعجب سؤال تم طرحه عليه، قائلًا: «هل الغش حرام في الامتحان ولا لأ».

وخلال تقديمه برنامج «ربي زدني علمًا»، المذاع على قناة صدى البلد، قال موافي إن الدين الإسلامي حثنا على عدم الغش في كافة أمور الحياة، معقبًا: «الكمال الله، الدكتور المصري يتسم بالأمانة».

وتابع: «مرة كنت بصحح امتحان للدكاترة في كلية الطب، وكان في طالب إجابته نفس الإجابة بتاعت زميله، وبعد ما سألته قالي «هل الغش حرام».

وأكد «موافي» أن الغش في الامتحان أو أي جانب من جوانب الحياة، حرام شرعا، معقبًا: «النبي بعث لكي يتمم مكارم الأخلاق، وإحنا بنحاول نحلل الغش علشان نحقق أهدافنا، طيب نفترض أنك مدرس وغشيت وتعينت بعد التخرج، مستقبل الطلاب اللي تحت أيدك مستواهم هيكون عامل إزاي».

وأكمل حسام موافي: «من غشنا فليس منا، نحن الآن نعاني من غش التجار في الأسعار والأصناف، دول ربنا مش هيسيبهم، أنت عارف غش التجار خطير جدا، أنت عارف أني الكفن ملوش جيوب، إزاي هتقابل ربنا وأنت غشاش أو حرامي».