عبر الإعلامي أحمد موسى، عن حزنه الشديد من ارتفاع أسعار كل شيء، والذي وصل إلى 'طبق الفول' والطعمية، إذ أن طبق الفول السادة وصل لـ 20 جنيها، وقرص الطعمية بـ 2 جنيه الذين كانوا يكفوا لإفطار شخص بهم، ولكن الوقت الحالي كل شيء أصبح مبالغ فيه بشكل غير عادي.
وخلال تقديمه برنامج 'على مسئوليتي' المذاع عبر قناة 'صدى البلد' قال 'موسى': 'أنا كنت بنزل أفطر فول وطعمية بملاليم، دلوقتي طبق الفول بالبيض بقى بـ 30 جنيه، وطبق الفول السادة بـ 20 جنيه في الشوارع من غير ما يكون جنبه أي حاجة يا جماعة'.
وتابع موسى: 'كل شيء أصبح غالي على التجار وعلى المواطنين وعلى الجميع، 'شكارة الفول بقت بـ 1000 جنيه، ومفيش حد بيتابع ومفيش أي حد بيراقب أي حاجة، والكل بيقولك الدولار، هو الفول كمان بالدولار، وطبق السلطة بالدولار، ورغيف العيش بالدولار'.
تابعوا آخر أهل مصر على Google News
