عمرو أديب يوجه رسالة لـ الحكومة بشأن تخفيف الأحمال في شهر رمضان: مش عاوزين مفاجآت

قال الإعلامي عمرو أديب، إن مواقع التواصل الاجتماعي تناولت مسألة موعد انقطاع الكهرباء في شهر رمضان؛ هل الأنسب قطعها قبل الإفطار أم بعد الإفطار.

وخلال تقديمه لبرنامج «الحكاية»، المذاع عبر فضائية «إم بي سي مصر»، مساء الاثنين، تابع أديب: «في ناس كتير قالوا طبعًا لا قبل الفطار، إحنا بنعمل مليون حاجة بنطبخ والعيال راجعة من المدارس وجاي لنا ضيوف، وناس تانية قالت لا بعد الفطار بنتفرج على رامز ونصلي التراويح.. أنا مليش دعوة وأتمنى لا يتقطع قبل أو بعد الفطار».

وأشار إلى أن «مصر تمتلك محطات عظيمة لتوليد الكهرباء؛ لكنها بحاجة لطاقة توفرها وزارة البترول»، منوهًا أن الطاقة تستورد من الخارج بالعملة الصعبة.

وأكمل: «لو سمحتم مش عاوزين مفاجآت، متجيش قبل رمضان بيومين وتقول لي أنا عامله قبل أو بعد الفطار، لإنك عامل حساباتك هل معاك فلوس تكفي الكهرباء في مصر».

ولفت إلى أنه لا يرغب في انقطاع التيار خلال شهر رمضان؛ لكنه يتفهم سبب لجوء الدولة لتخفيف الأحمال نتيجة الأزمة الاقتصادية.

واستطرد: «بما إن في اضطرار اتكلموا مع الناس، بلاش طريقة الجدول نزل ليلة رمضان، قولوا لنا ناويين تعملوا إيه بهدوء.. الناس مش ناقصة النور كمان، كفاية الأسعار ومفيش سكر».

واختتم: «أو تكون في مفاجأة لطيفة بمناسبة رمضان وتقول الحكومة إن الكهرباء تتقطع وقت صغير، أو يوم آه ويوم لا، أو متتقطعش خالص، المصريين بيعملوا حاجات كتير في رمضان».