قالت الفنانة بوسي إن الذي بينها وبين طليقها "هشام" كل حب وكان شرطي لزواجي منه أن يطلق مراته، وهو لديه 3 أولاد، مضيفة: "قبلت أنه يرجع لمراته لما طلب مني علشان عياله.. وحصلت مشاكل بيننا بسبب الموضوع ده.. أنا حبيت اتجوزت ملحقتش أعاشره".
وخلال أولى حلقات برنامج "العرافة" المذاع على فضائية المحور، وتقدمه الإعلامية بسمة وهبة، تابعت "بوسي": "هشام ربيع دخل السجن علشان يحميني من الشلة والعصابة اللي بستفيد مني بقالهم أكثر من 10 سنين.. اتهموني إني سرقت شيكات واتهموا جوزي هشام".
وأكملت: "في ناس كتيرة مش حابة إننا نكون مع بعض.. وهو عارف الحقيقة وأنا لا يمكن إني أسيبه، وكنت بشتغل وهو في السجن لأن ده أكل عيشي وشغلي".
وواصلت: "علاقتنا زي الفل ومرجعناش.. ولو رجعنا الناس كلها هتعرف.. فيه ناس كتيرة مش عايزانا مع بعض، أنا بحبك يا هشام، أنت عارف ومتأكد أني مشوفتش حد جدع وراجل زيك وأنت تستاهل كل حاجه في الدنيا.. أنا مشوفتش حد في نضافة وطيبة قلب هشام ولا في كرمك".
تابعوا آخر أهل مصر على Google News
