أمير كرارة ينهار من البكاء: اللي حواليا بقوا قليلين أوي.. وأبويا أغلى حاجة في حياتي (فيديو)

حل الفنان أمير كرارة ، ضيفا على الإعلامية اسما إبراهيم ببرنامج 'حبر سري' المذاع على قناة 'القاهرة والناس'.

وقال 'كرارة': 'أنا كاتم أسراري، وبحب اسراري تكون جوايا أنا بس'، موضحا 'لما بحب أتكلم مع حد بيكون من أهل بيتي، واللي بيتكلم قدامي وبيكدب وبكون عارف إنه بيكدب بسيبه يكمل كذب وساعات مش بركز مع اللي بيقوله'.

وتابع 'كرارة: 'اللي حواليا بقوا قليلين أوي الفترة الأخيرة واللي حواليه ناس كتير بيتوه كتير، وانا وصلت لمرحلة الدائرة المغلقة الصغيرة، وأنا ليا أصدقاء من زمان جدا ولدي أصدقاء مقربين منذ سنوات طويلة '.

ودخل أمير كرارة في نوبة بكاء على الهواء عندما تم عرض صورة والده المتوفي على الهواء، قائلا: 'ده الشخص الوحيد اللي مش بعرف أمسك نفسي لما أشوف صورته، أبويا ده أغلى حاجة في حياتي ربنا يرحمه'.