خالد يوسف: أنا دخلت الإخراج بالصدفة.. وراضي عن كل حاجة عملتها (فيديو)

أكد المخرج خالد يوسف أنه لا يقبل تدخلات الممثلين في رؤيته أثناء تنفيذ العمل، مردفا: 'مش بقبل تدخل الممثل في الورق أو في إدارة العملية لأن دا بيطلع الحكاية مش مظبوطة'.

وخلال لقاء له ببرنامج 'حبر سري'، الذي تقدمه الإعلامية أسما إبراهيم عبر شاشة تلفزيون قناة القاهرة والناس، تابع 'يوسف': 'أنا بقعد مع الأبطال عشان يقولوا رأيهم واحيانا بيكون عندهم إضافة، وبستفيد من آرائهم، لكن ممثل يجي يفرض أو يتدخل في قراري لا، وأنا ديكتاتور في التنفيذ لأننا بنكون في قلب المعركة، ووقت الحرب بيكون في قائد واحد، ولو في أكتر من قائد الحكاية بتبوظ، ومحصلش معايا أن نجم يتدخل في رؤيتي أو يفرض عليا حاجة.. وأنا دخلت الإخراج بالصدفة وعملت كارير راضي عنه.. ومعملتش حاجة في حياتي مش راضي عنها'.

وفي اللقاء ذاته، كشف خالد يوسف عن رأيه في نجاح مسلسل جعفر العمدة، قال: 'سره الباتع كان ناقصه محمد رمضان ومحمد سامي عشان ينجح زي جعفر العمدة.. النجاح له عوامل في عامل مش في ايدك وباقي العوامل في ايدك اللي هي اتقان الشغل، واللي مش في ايدك المزاج النفسي للناس، ومحدش يقدر يحسبها، جعفر العمدة كسر الدنيا، ومفيش حد عمل مشاهدات مقالش أنا كنت أكثر مشاهدة'.