علي جمعة: «وارد ربنا يلغى النار في الآخرة ويدخل كل الناس الجنة»

قال الدكتور علي جمعة، مفتي الديار المصرية السابق، إن طبيعة الخطاب الذي ندعوه به الناس لابد ان يكون فيه دعوة إلى الرحمة والحب وليس إلى الكراهية.

وأوضح 'جمعة'، خلال حلقة برنامج 'نور الدين'، المذاع على القناة الأولى المصرية، اليوم الثلاثاء، قائلا: 'في خطاب خلى الدنيا والأخرة سودة، واحنا بنقول لهم أنتوا فاكرين الموت عدم لا الموت حياة، والحياة ليست في الدنيا فقط لا في حياة في الآخرة برضوا'.

الحساب والعقاب يوم القيامة

وأضاف، أن تلاقى اللى بيتكلم عن عذاب القبر والثعبان الأقرع، في كتب كثيرة بتقول في أهوال يوم القيامة، لكن محدش قال في شفاعة وفي ٧٠ ألف شفيع وكل واحد يشفع فى ٧٠ ألف شفيع يعنى ٤ مليار وكل المسلمين ٢ مليار بس'.

وأوضح: 'وارد أن ربنا يلغى النار في الآخرة ويدخل كل الناس الجنة، وفي علماء كثي، قالوا كده، وممكن النار دي تكون معمولة للناس عشان تكون خايفة من عقاب ربنا فلا يؤذي أحدًا.. لازم العلاقة بيني وبين ربنا تكون مبنية على الحب والرحمة'.