أحمد شوبير يهاجم رضا عبدالعال: ماشي بأسلوب خالف تُعرف

هاجم الإعلامي أحمد شوبير، رضا عبدالعال، نجم الأهلي والزمالك ومنتخب مصر الأسبق، وذلك بسبب أسلوبه في تحليل المباريات.

وخلال تصريحات تلفزيونية ببرنامج "العرافة" عبر فضائية «النهار» قال "شوبير": «أسلوب رضا عبدالعال، يعتمد على التريند، ده أسلوبه ودخل الإعلام كده، خالف تعرف، الناس كلها تبقى رايحة في سكة وهو رايح في سكة تانية».

وأضاف: «دي طريقة تحليل رضا عبدالعال، مفيش مدرب بيعجبه ومفيش لاعب بيعجبه، مفيش فريق بيعجبه، ماشي في السكة دي وواكلة مع بعض الناس، بتعمله تريند وبتعمله مشاهد وشعبية، عشان كده هو ماشي في السكة دي».

وتابع: «ده أسلوب حياة رضا عبدالعال، وده عمله شهرة ومشاهدات وفي ناس بتحب الأسلوب ده، أنا لا أوافق على هذا المبدأ في الإعلام، أنا مش بتاع التريندات، مختتما: «التريند بالأخبار الصحيحة والقضية الجيدة والانفرادات، ومش بالفهلوة».