حلا شيحة: القرب من ربنا مش باللبس.. وأحد الدعاة خطفني في كندا

قالت الفنانة حلا شيحة، إنها أوقات تشعر أن قربها من ربنا يعد سعادة كبيرة في حياتها، مضيفة: "القرب من ربنا مش لازم يكون باللبس".

وخلال برنامج "ع المسرح" مع الإعلامية منى عبدالوهاب على قناة "الحياة"، تابعت: "كان بقالي فترة طريقة تفكيري اتغيرت أن مش بالزي أن لازم أقرب من ربنا، واتغيرت بناءً على تجارب بمر بها"، مردفة: "تعلمت إنه مش لازم أجلد نفسي على كل حاجة بتحصل ليا وحوليا، واتعلمت إن كل حاجة بتاخد وقتها، واللي أنا حساه هعمله".

وأكدت أن تصريح والدها بأنها مختطفة خلال فترة زواجها من أحد الدعاة في كندا كان والدها "معاه حق"، مشيرةً إلى أن هذه المرحلة من حياتها قد مرت، ولكن لم تكن هذه المرحلة من حياتها من أحسن الفترات.

واختتمت "شيحة": "اللي أنا مؤمنة بيه بعمله، ولو ربنا قدرلي مع الطريق حاجة تانية هشوفها، ومش لازم أكون طول الوقت مع الصراع الداخلى".