دينا: باقرأ آية الكرسي والسبع المنجيات قبل ما أنزل من بيتنا

تحدثت الفنانة دينا، عن الخوف من الله قائلة:" كل الناس عندها خوف من ربنا وبتغلط وعندها التقوى والإيمان وبيغلطوا، ومن ضمن المصيبة أن الناس متخيلة إن الراقصة لا تخشى الله، أو حتى المغنى أو الممثلة".

وخلال استضافتها ببرنامج "ع المسرح" الذى تقدمه الإعلامية منى عبدالوهاب، و المذاع على قناة "الحياة" قالت: "قلت "فالله خير حافظ وهو أرحم الراحمين" فبقيت تريند مش عارف ليه، وبقول الآيات المنجيات وآية الكرسى قبل ما أنزل من بيتنا".

وتابعت: "عمرى ما حكمت على حد بحاجة، هما حرين يفكروا زى ما هما عاوزين وانا حرة أعمل اللى عاوزاه وفى الآخر مافيش بينا حاجة، ومحدش هيمنعنى أقول إيه ومش هيفرق معايا حاجة.

واختتمت: "سولاف فواخرجي قالت ربنا أكرم من أنه يكون عنده جنة ونار فرديت عليها: "ده تهريج لأن الجنة والنار مذكورين في القرآن، والأخير لا يتغير ومينفعش نلعب في معاني، ولا نخرج تصريح منافي للدين، والأفضل لا تتدخلي في الدين، ومش عارفة متقوليش سيبي الأمر للمفتي".