أجاب الدكتور علي جمعة، مفتي الديار المصرية السابق، على سؤال طالبة حول: 'زميلتي في الفصل وقعت بيني وبين زميلاتها، وقالت لهم كلام كذب وكلهم الأن مش بيكلمونى، وعاوزه أعرف أعمل معاها إيه؟'.
وقال جمعة، خلال حلقة برنامج 'نور الدين'، المذاع على القناة الأولى، اليوم السبت: 'أنتي متكلمتيش على زميلاتك، يبقى هي وقعت في جريمة كبيرة، إنها كذبت شوية كذب حلوين كده متغلفين ببهتان وأوقعت بين الناس'.
وتابع: 'نيجي للكذب أبو ذر الغفاري قال لرسول الله صلى الله عليه وسلم، هو المسلم ممكن يسرق ودي كبيرة من الكبائر وفيها حد، قال له سيدنا النبي نعم يسرق، فسأل هل يكذب يا رسول الله قال لا يكذب، وهنا نعرف إن الكذب جريمة وعمل فتنة بين الزميلات'.
وتابع: 'في جريمة ثانية وقام بيها الزميلات اللى صدقوا الكذابة، طيب نعمل ايه، سيدنا النبي صلى الله عليه وسلم، قال: (كفى بالمرء كذبا أن يتحدث بما سمع)، لازم كانوا يسألوا زميلتهم هل أنتي قولتي كذا تقول لا فيبقى خلاص'.
وأضاف: 'الجريمة الثالثة، إنها خلتها مش قارده تسامحها، أوعى تعزلي نفسك لازم تعملي علاقة مع زميلاتك وتعرفيهم الحقيقة'.
تابعوا آخر أهل مصر على Google News
