انتصار: الصعايدة بيحترموا المرأة.. وأنا متمردة ووالدي صعيدي

قالت الفنانة انتصار: 'والدي حافظ للقرآن وزاهد في الحياة وصعيدى وانا متمردة دائما، مؤكدة أن الصعايدة لديهم تفتح عقلي ونفسي غير عادي، والجدة في الصعيد بتحكم على رجالة، ولو الراجل مدايق الست يطلع عينه، والست غالية جدا هناك ولها قيمة'.

وخلال استضافتها ببرنامج 'ع المسرح' الذى تقدمه الإعلامية منى عبدالوهاب، و المذاع على قناة 'الحياة' تابعت 'انتصار': 'الصعايدة بيحترموا الست ولها وزن، وبيسمعوا رأي الست، واللي فرحانين بيا أهلي اللي في الصعيد'.

وأوضحت انتصار أن 'والدها كان متخوف في الأول من عملها ممثلة، ولما بدأ يشوف أخباري في الصحف فرح، وأمي كانت داعمة ليا ودعمها واضح عكس والدي، موقفه ودعمه مكنش واضح وسابني اتحمل اختياري'.