انتصار عن جدل تعليم نيللي كريم التمثيل: كانت راقصة شاطرة

حلت الفنانة انتصار ضيفة على برنامج «ع المسرح»، الذي تقدمه الإعلامية مني عبد الوهاب، ويذاع عبر شاشة قناة «الحياة»، إذ تحدثت على جدل تعليمها التمثيل لنيللي كريم في مسلسل «ذات».

ووجهت مني عبد الوهاب سوال لـ انتصار قائلة: «كاملة أبو ذكري قالت أنك ممثلة شاطرة جدا، بس مش هتشتغل معاكي تاني لأنك غير منضبطة»، لترد عليها قائلة: «أتمني أن المخرجة كاملة أبو ذكري متتكلمش كتير في البرامج لأنه مش صح، مينفعش كل شوية تطلع علي الناس لأني مبحتش أنها عملت كده، وبراحتها مشتغلش معايا تاني».

وتابعت:«أنتِ مخرجة كبيرة ليكي اسم مينفعش البرامج تستغلك، وتطلعي تتكلمي عن زملائك وحش، لأنك من أهم المخرجين الموجودين في الشرق الأوسط، وأنا بحبها جدًا لأنها صحبتي».

وعن جدل تعليم انتصار وباسم سمرة التمثيل لنيللي كريم فى مسلسل ذات، قالت انتصار: «أنا قلت كده عشان باسم سمرة طلع وقال في لقاء وقال أني أنا وانتصار علمنا نيللي كريم التمثيل، وأنا اتزنقت في لقاء بعدها ع طول، وقولت ساعتها مكنش يقصد هو كان قصده أنه في الفترة دي كنا بنمثل بقالنا فترة طويلة، وهي حينها كانت راقصة شاطرة، كانت بتلعب باليه حلو جدا، وعجبني ساعتها أني نيللي كريم مردتش خالص واحترمتها جدا».