علق لاعب النادي الأهلي محمود كهربا على سداده الغرامة لنادي الزمالك قائلًا: "موضوع الغرامة كنت هطول شوية اقعد سنتين تاني وكابتن حسين لبيب شخصية محترمة وقربنا المسافات وربنا سدد في الوقت المناسب".
وخلال استضافته ببرنامج "أسرار" مع الإعلامية أميرة بدر المذاع على قناة النهار تابع: "إحنا كرجالة بنعرف نجيب فلوس، وقلت أشتري نفسي ومكنتش هدفع وأكمل كورة كده، والموضوع يطول في المحكمة شوية وبعدها اعتزل، عشان الموضوع انا مظلوم فيه، ومش حق حد عندي، وفيه ناس ساعدتني في الغرامة لأن الناس بتحب الاهلي اوي وبيحبوا كهربا أوي، لأني بطبيعتي وراضي".
واختتم كهربا: "نجيب ساويرس حبيبي، ومش لازم الناس كلها تعرف، ودفعت 70%، وربنا هيكرم تاني، وموجعتنيش الغرامة، وهما 76 مليون أصلا، واللي كان بيتكلم عليا كان برنامجه مبني على كهربا عشان يطلع بس مش أكتر".
تابعوا آخر أهل مصر على Google News
