حورية فرغلي تكشف كواليس إجرائها عملية جراحية: كنت لوحدي ووالدتي كانت واقفة تشرب سجاير

حلت الفنانة حورية فرغلي، ضيفة على برنامج «العرافة»، الذي تقدمه الإعلامية بسمة وهبة، عبر شاشة قناة المحور، وتحدثت عن علاقتها بالفنانة أمينة خليل.

وقالت حورية فرغلي: «كنت لوحدي وأنا بعمل عملية ونزلت غرفة العمليات ووالدتي كانت فوق بتشرب سجائر ومنزلتش ومتعودة دائما على مواقف زي دي كتير أني أكون لوحدي، بس أنا مش ضيعفة زي الناس ما فاكراني، وأخويا طيار عشان كده مكنش معايا يوم العملية».

وأضافت باكية: «أنا عمري ما هكدب كدبة وهصدقها عشان أستعطف الناس، أنا هستفاد إيه من ده»، لترد عليها بسمة وهبة: «عمري ما سمعت حاجة تفرح كل اللي بسمعه معاناة وتعب».

وفي الجزء الأول من الحلقة التي أذيعت أمس السبت، تحدثت الفنانة حورية فرغلي، عن علاقتها بالعفاريت والجن، قائلة: 'الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك في البيت؟'.

وخلال حوارها مع الإعلامية بسمة وهبة، ببرنامج 'العرافة' المذاع على قناة 'المحور'، قالت: 'أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب'.

وتابعت 'اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي'.

واستطردت :'كان فيه عفاريت معايا في الشقة ولا يؤذونني وأقرا سورة البقرة كل يوم جمعة وبشغل القرآن وهذا لا يضايقهم.. هؤلاء موجودين ولا يختفون رغم قراءة القرآن'.