ماذا لو طلب المدير من الموظف أخذ رشوة؟.. علي جمعة: «ترفض حتى لو هتمشي من الشغل»

رد الدكتور على جمعة، مفتى الديار المصرية السابق، على استفسار من أحد الحاضرين لبرنامج 'نور الدين'، حول: 'ماذا أفعل إذا أمر رئيس العمل بارتكاب معصية وأخذ رشوة مقابل تسهيل موضوع ما وإرضاء رئيسه في العمل'.

وقال جمعة، مفتى الديار المصرية السابق، خلال حلقة برنامج 'نور الدين'، المذاع على القناة الأولى المصرية، اليوم الأربعاء: 'اصطدمنا كتير بالموضوع، هو قالي روح خد رشوة كلام مفيش فيه كلام، اتفاق إن الرشوة حرام وغلط ومتعملهاش.. الرشوة والسرقة مصيبة'.

وتابع: 'كثير جدا مما عرض علينا في حياتنا كنت أنت اللي فاهم غلط لأن ليها وجه تاني لأنها مهياش بالفقعان بتاع الرشوة، وأنا ممكن أعمل كده ارتكابًا لأخف الضررين، هنا يأتي دور المناقشة لما تقول لمديرك غلط يقولك ماتخفش ده أنا عارف بعمل إيه، خلاص تعملها لأنها صاحبة اتجاهات ووجهات ونظر، وكثير مما عرض علينا كان فيه وجهات نظر'.

وأكد: 'الحرام المتفق عليه اللي كلنا عارفينه أنه غلط هو الرشوة، أرفض وبلاش تنفذه أبدًا ولو كان هيتسبب في إنك تمشي من الشغل'.

برنامج نور الدين، الذى يعرض على قنوات الشركة المتحدة، يفتح حوارا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى على لسان أطفال صغار، دومًا ما يسألوها لأهاليهم الذين يجدوا أنفسهم في حيرة من أمرهم.