بكت الفنانة أيتن عامر بسبب انفصالها مؤخرا عن مدير التصوير محمد عز العرب، قائلة: "تجربة الطلاق أبشع تجربة ممكن إنسانة تمر بيها ومش قادرة أتخطاها".
وخلال لقائها ببرنامج "العرافة" المذاع على قناة "النهار" تابعت: "الست ممكن تنور بعد الطلاق ولكن فيه فترة ممكن تكون استنزفت خلال الزواج فلما يحصل الطلاق بترجع تاني تنور زي ما كانت منورة من قبل ولكن الطلاق حدث جلل ومش سهل".
وأكملت "عامر": "بعد الانفصال كنت رافضة تماما أتكلم في الموضوع ده علشان أنا طول عمري مبحبش حياتي الشخصية تبقى على المشاع، دايما عندي مساحة من الخصوصية بحب أحترمها، طليقي فعلا بني اَدم كويس وإلا مكنتش اتجوزته".
واختتمت "عامر": "الناس ملهاش علاقة إحنا اتطلقنا ليه وأنا قلت لياسمين عبدالعزيز الكلام ده، وقلت لها ربنا يسعدك ويسعده ويعملكوا الخير، وكان نفسي الناس تقولي كده ولا تنتقدني ولا تنتقده".
تابعوا آخر أهل مصر على Google News
