قال الإعلامى شريف مدكور 'كنت معدا بقناة النيل للأسرة وأصبحت مذيعا بالصدفة وكانت صدفة حلوة وعمرى ما كنت متخيل أطلع قدام الكاميرا وأكون جرىء وحبيت اللى بعمله وبموت فى شغلى ومستمع بالبرنامج والمشاهدين'.
وخلال حواره ببرنامج 'ع المسرح'، مع الإعلامية منى عبدالوهاب، على قناة 'الحياة'، تابع 'مدكور': 'اتعرضت عليا بطولة فيلم 'المسطول والقنبلة' ولو كنت عملته كان ممكن أكون نجم سينما كبير وكان نفسي أعمله'.
وأكمل 'مدكور': 'ممدوح الليثي كلمني وقالي تعالى دلوقتي ولما حضرت عرضوا عليا بطولة الفيلم وذاكرت الفيلم حوالي 3 شهور ومتعملش الفيلم إلى الآن وكان فيلم سياسي فيه مشاهد قاسية وصعبة'.
واختتم 'مدكور': 'بحب أوصل وأدوس على أي معوقات أو مطبات زي القطر وماشي في سكتي ماليش دعوة بحد، أنا صاحب الفضل على نفسي وبحب نفسي جدا، وبحب أخرج وأسافر مع نفسي، ووالدي ووالدتي وعيلتي وأصحابي أحب الناس ليا'.
تابعوا آخر أهل مصر على Google News
