قال أمير مرتضى منصور المشرف العام السابق على الكرة في نادي الزمالك: 'كنت بقول لـ طارق حامد وحازم إمام 'الصغير'، بصوا على حسام غالي واتعلموا منه وشوفوا بيجمع لاعبي الأهلي إزاي وبيتعامل معاهم إزاي'.
وخلال تصريحات ببرنامج 'أسرار' عبر فضائية 'النهار' مع الإعلامية أميرة بدر تابع 'منصور': 'بحب عدد كبير من لاعبي الأهلي ولو شوفتهم هطلب منهم أتصور معاهم.. زي حسام غالي وعماد متعب ومحمد شوقي'.
وخلال الجزء الأول من حلقة البرنامج أكد أمير مرتضى منصور، المشرف العام على فريق الكرة بنادي الزمالك السابق، أنه كان يعمل في القلعة البيضاء بدون مقابل.
و تابع 'منصور': «صرفت ملايين على نادي الزمالك من فلوسي الخاصة، كل السفريات والمعسكرات على مدار السنوات الماضية من 2018 كنت بصرف من فلوسي وليس من فلوس النادي».
وأكمل: «غيرت لائحة الفريق الأول، منصب المشرف العام كان بياخد 200% من المكافأة يعني لو لاعب بياخد 10 آلاف جنيه مكافأة في المباراة أنا اخد 30 ألف جنيه، أنا لغيت إن المشرف العام على الكرة ياخد مكافأة».
تابعوا آخر أهل مصر على Google News
