كشفت النجمة يسرا خلال استضافتها فى «BIG TIME PODCAST»، والذي يقدمه الإعلامي عمرو أديب على قناة " ام بي سي" ، عن أغرب رسائل تلقتها من معحب، قائلة: "واحد كان بيبعتلي رسايل وبيكتبها بدمه يجرح نفسه ويكتب به".
وأضافت يسرا: "ده كان مجنون، وراح الخانكة فعلا، وأنا روحت زورته في مستشفى الأمراض النفسية ومات هناك".
وعن أول قصة حب في حياتها تقول:" كانت في المدرسة، وكنت بحب ولد كنت أكبر منه، واكتشفت بعد ما اتجوزت خالد جوزي أنه قريبه قولت لهم الله أنا كنت واخدة العيلة، وفعلا جه طلب أيدي وكان عمري 15 سنة، وبابا رفضه واتقهرت، وهو اتجوز وهاجر أمريكا".
وتابعت:" أكبر حب في حياتي هو خالد، لأن علاقتي بيه مبقتش زوج وزوجة بس، بقينا أصحاب وضهر وسند لبعض، ومفيش حاجة تخلينا نكمل إلا لو كنا بنحب بعض لأن معندناش أولاد ولا مسئوليات عشان نضطر نكون مع بعض".
تابعوا آخر أهل مصر على Google News
