علق أمير مرتضى منصور المشرف العام السابق في نادي الزمالك على تصريحات جمهور الأهلي بإن سيد عبدالحفيظ أفضل مدير كرة قدم قائلا: 'أنا غير سيد عبدالحفيظ، أنا مشرف كرة مش مدير كرة، أنا دوري مختلف، واللي بيوازي دوري في الأهلي هو محمود الخطيب وليس سيد عبدالحفيظ'.
وخلال تصريحات ببرنامج 'أسرار' عبر فضائية 'النهار' مع الإعلامية أميرة بدر، تابع 'أمير': 'أنا اللي ماسك معظم الملفات في الزمالك زي عقود الرعاية واختيار اللبس والمدير الفني والتعاقدات والميزانية وغيرها'.
وأكمل: 'كل الحاجات دي وغيرها أنا اللي كنت مسؤول عنها، لكن سيد عبدالحفيظ في الأهلي دوره معاه اللائحة بتاع الخصومات والمكافآت وتطبيق النظام في الأهلي، يعني هو بيعمل حاجة واحدة بس من اللي أنا بعملها وكان أشطر مني ومخضرم جدًا'.
وفي وقت سابق أوضح أمير مرتضى منصور المشرف العام السابق في نادي الزمالك، حقيقة المكالمة التي سربت له مع أخيه أحمد مرتضى، وكذلك عن حقيقة التصالح بين والده وممدوح عباس.
وخلال حلقة الأمس ببرنامج 'أسرار' عبر فضائية 'النهار'، قال 'منصور': 'مكالمتي مع أخويا أحمد كانت حوالي 25 دقيقة، واللي اتسرب منها حوالي 3 دقائق فقط، وكنت بقنع أحمد مينزلش انتخابات، وده كان قبل غلق باب الترشح بيوم'.
وتابع 'منصور': 'كنت بقنعه نرتاح كلنا عشان نركز في اللي معانا وده كان طوال الـ 30 دقيقة، وماتكلمتش في أعراض حد ومغلطش في حد، ومعرش اتسرب ازاي'.
تابعوا آخر أهل مصر على Google News
