أجاب الدكتور على جمعة، مفتي الديار المصرية السابق، على سؤال طفلة حول هل يجوز تهنئة المسيحيين بأعيادهم؟.
وأوضح جمعة، خلال حلقة برنامج 'نور الدين'، المذاع على القناة الأولى المصرية، اليوم الثلاثاء: 'أيوة عادي ينفع بس إنتي مش واخده بالك من السؤال، يعني كأن في حد مفهمكم إنه مش عادي، وإنك هتأخذي ثواب لما تنشري الكراهية'.
علي جمعة: الدنيا كلها لازم تكون حب في حب
وأضاف: 'والله يا أولاد، الدنيا كلها لازم تكون حب فى حب، بدون كراهية، وعندنا المصريين لما اتشبعوا بالإسلام، فعملوا أمثلة، قالوا له تنفخ ليه يا برص، قال علشان الناس تكرهني طيب هو في حد بيحبك، لازم نفهم إن شيوع الحب والتهنئة والمجاملات تعالى من قدرنا، فالكراهية تنقص من قدرنا، في حد عاوز يعمل صدام وفتنة، ده إحنا جيران من 1500 سنة، وعاوزين مفهوم الكراهية ده يتعدل ويبعد عن البدعة'.
ويذكر أن برنامج نور الدين، يفتح حوارًا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى على لسان أطفال صغار.
تابعوا آخر أهل مصر على Google News
